For oss handar lokal matproduksjon om framtida. Nærprodusert mat held oppe lokalt jordbruk og styrkjer felleskapet ved å oppretthalde bindeleddet mellom forbrukar og produsent. Som sauebønder er me opptekne av å halde ein bærekraftig produksjon der dyrevelferd, pleie av kulturlandskap og godt kjøt til forbrukaren står i sentrum. Kjøtet til den gammalnorske spælen er velsmakande og møyrt med lite fett. Kjøtet har eit hint av viltsmak i seg, og er meir marmorert enn norsk kvit sau.